Ер йѳҙѳндәге иң гүзәл, иң ғәзиз һүҙ - әсәй!

Әсәй! 
Ер йѳҙѳндәге иң гүзәл, иң ғәзиз һүҙ - әсәй! Шул һүҙ менән баланың теле асыла һәм ул бѳтә телдәрҙә лә берҙәй яғымлы яңғырай. Һәр кемдең дә иң яҡын кешеһе - әсәй. Әсәнең йомшаҡ ҡулдарын, мѳләйем ҡарашын, яғымлы һүҙҙәрен бер нимә менән дә сағыштырып булмайҙыр. Әсә йѳрәге - иң һиҙгере, тиҙәр. Унда балаға булған мѳхәббәт хисе бер ҡасан да һүнмәй. "Йондоҙҙар" төркөмө тәрбиәләнеүселәре әсәйҙәрҙе ҡотлағандар!
Кескәйҙәр изге теләктәрен, иң ҡәҙерле кешеләренә, үҙҙәренең моңло йырҙары, дәртле бейеүҙәре, шиғырҙары аша еткерҙе. Әсәйҙәрҙең шат йөҙҙәре, рәхмәт һүҙҙәре күңелгә тағы ла дәрт, дарман өҫтәне.
Әсәй бит ул һәр кешегә
Ғүмер бүләк итеүсе.
Әсәй тиеп әйтеү менән
Донъя нурға күмелә.